Pinoy Horror Story

Nung naglalaro kami ng mga kaibigan ko naisipan namin na magkuwentuhan ng nakakatakot so ang nauna ay yung nakakatanda na si Ate Janille. Based on true story daw yun, kasi andun daw mismo ang mama nya nung mangyari yun so eto na ang kwento niya.

Isang supultorero si Ivan sa isang cemetery ng Laguna.Siya ang tagalinis ng mga kalat ng bawat puntod doon sa cemetery. Isang araw habang naglilinis siya ng puntod may nakita siyang kumikinang na bagay. Nang lapitan niya nakita niyang ito ay golden ring. Agad niyang dinampot ito at isinuot. Nadampot niya ito sa puntod ng isang matandang babae. Araw-araw, gabi-gabi suot niya ang singsing hanggang sa may nagtanong kung saan galing ang singsing at ang sabi niya ay sa kapatid niyang namatay. Isang gabi habang nanonood siya ng TV ay bumuhos ang malakas na ulan at hangin, dahil don ginanahan siyang matulog. Pinatay niya ang TV at papaakyat na sana siya ng hagdan ng biglang may kumatok sa pinto nila ng tatlong beses. Nung una di niya ito pinansin baka hangin lang daw yun, hanggang sa ilang beses na katok ang kanyang narinig at nung narindi niya siya ay binuksan na niya ang pinto at bumulaga sa kanya ang isang matandang naka-belo na kulay itim at nakatakip ang mukha. Biglang nagsalita ang matanda at sinabing

" Iho puwede bang makiinom ng tubig?", agad namang pinapasok ni Ivan ang matanda, pinaupo niya ito sa sofa at kinuhaan ng tubig at pagdating niya don sa sofa nawala ang matandang babae. Hinanap niya ito at bumulaga ito sa kanyang harapan. Tinignan siya nito mula ulo hanggang paa hanggang sa nakita niya ang gintong singsing na suot suot ni Ivan at agad niya itong hinablot at sinabing

"Akin tong singsing na ito! Bakit mo kinuha?! Dahil dyan magbabayad ka!!"

Sa sobrang lakas ng hablot ng matanda pati daliri ni Ivan ay nahugot. Biglang bumagsak si Ivan, nakita niya ang mukha ng matanda na naaagnas at puno ng uod. Akmang tatayo na siya ng biglang tinaga nito ang kanyang ulo at binawian ng buhay. Umalis ang matanda na dala-dala ang ang singsing. Kinabukasan ay nakita ng mga pulis ang bangkay ni Ivan at idineklara nilang isa yong murder case. At nung umuwi na ang mga pulis merong isang naiwan na pulis doon. Nung pauwi na rin ang kanina'y naiwang pulis, nadaanan nito ang puntod ng isang matanda. May nakita itong kumikinang na bagay. At nung lumapit ito ay nakita niyang isang golden ring ang kumikinang. Agad nitong dinampot ang singsing at umuwi na habang walang kamalay malay na sa malayo ay may isang matandang babae nakatanaw.

The End. I hope nagustuhan niyo po :)