Pinoy Horror Story

Ako ay isang Auditor na nagwowork sa isang malaking auditing firm sa Makati. Sobrang toxic talaga ng nature ng work (pag busy season lang naman). Yung busy season namin is usually nagstastart ng December to April. 

So eto na, usap usapan na kasi sa company yung mga misteryo sa 4th floor ng building namin. Yung sabi nila, bigla daw humihinto yung elev dun ng wala namang tao. So kami naman, parang wala lang kasi di pa naman namin naeexperience. So pakialam ba namin sa mga kababalaghan na nangyayari diyan.

Anyway, may isang araw na siyempre nag OT kami kasi finafinalize na yung Financial Statement (FS) ni client. Eh di Senior kasi ako (Supervisor yung equivalent), so may staff ako. So OT OT kami ng staff. Umuwi na yung manager ko at sinabihan niya na lang ako na kinabukasan niya na lang rereviewhin yung FS. So natapos na ng staff yung pinapagawa ko sa kanya, sinabihan ko na siya na umuwi na siya at ako na yung tatapos para masubmit na namin kay manager. So mga around 12AM siya umuwi. So ako, nagpaiwan sa office. Kasi sure naman na makakatulog ako pag tinake home ko yung work. So confident pa ko magwork sa buong floor kasi may iba pa namang team na nagwowork din. Then malapit na mag 3am nun, apat na lang kami natira sa buong floor and buti na lang tapos na ko.

So nagpack up na ako. Nasa 10th Floor yung area namin. So medyo antok na ko nung napress ko yung button ng elevator. So eto na nga, eh since 3am na, ako lang mag isa sa elev. So ayun, nakatulala lang ako habang pababa na yung elev tapos biglang huminto sa 4th Floor. Tapos siyempre nag open. Pag open, walang tao, at madilim na kasi wala ng tao sa buong floor. So pinindot ko yung close door na button tapos nagulat ako nang biglang ayaw niya maclose at nagprompt na yung elev nang.."Passenger Overload, someone, please vacate the car now". Bigla akong nagising sa narinig ko at bigla ako kumaripas ng takbo. Pumunta ako sa fire exit at patakbong bumaba. Mula noon, pag nag OOT ako, minimake sure ko na di na ako aabutin ng 3AM or kelangan may kasama ako pababa ng elev.